Descrición do proxecto:

O proxecto ten como finalidade o acondicionamento dunha nave existente nun estado moi deteriorado en desuso no Concello de O Barco de Valdeorras, para a fabricación de xeo crioxénico. Na devandita nave alóxanse as máquinas necesarias para a fabricación do xeo seco.

Instalación de maquinaria para a fabricación de xeo crioxénico e proxección mediante máquina específica de proxectado crioxénico.

Está dirixido a sectores estratéxicos como a automoción, industria do moldeado, alimentación, industria do metal, construción naval, industria química, restauración, etc.

A limpeza de instalacións e maquinaria por chorreado de xeo seco, consiste na proxección a alta velocidade de pequenas partículas de xeo seco sobre a superficie a limpar.

Esta técnica de limpeza, permite a limpeza de instalacións e maquinaria sen a utilización de disolventes e sen deixar residuos de ningún tipo.