Descrición do proxecto:

O proxecto tivo como obxectivo a recuperación dunha edificación existente sita en Tremiñá, municipio do Barco de Valdeorras para destinala a dous apartamentos turísticos. A edificación ten unha localización próxima ao Camiño de Inverno, potenciando o seu atractivo para atender a demanda de aloxamento do turismo na comarca. Distribúese en dous andares da seguinte forma:
‐Planta baixa: apartamento turístico 1 con salón – comedor – cociña con 1 dormitorio e baño.
‐Planta primeira: apartamento turístico 2 con salón – comedor‐ cociña con 2 dormitorios, baño e rocho.
A finalidade do proxecto foi a explotación e xestión integral do aluguer dos apartamentos turísticos, ofrecendo aos clientes servizos complementarios a través da súa páxina web, de paquetes de estancia que inclúen actividades de enoturismo con distintas adegas da comarca, actividades de sendeirismo en rutas próximas e actividades cinexéticas de caza en colaboración con varios cotos de caza..