Descrición do proxecto:

HESTIA INVESTIMENTOS 2020 SL preséntase como unha compañía especializada en servizos de aloxamento e hospedaxe, restauración, cafeterías, catering e actividades anexas ou complementarias ás anteriores cuxos mercados fundamentais son turistas amantes da natureza, montañismo e actividades turísticas de innovación, turismo de experiencias nas que se engloba tamén o turismo industrial (actividade de pizarra e minera). Dentro desta empresa atópase o Hotel Pena Trevinca, un hotel de montaña de categoría 1 estrela, que se encargará do servizo de hóspedes, de restauración, ofrecendo como servizo complementario servizo de equipamento para engadir á oferta de lecer do hóspede do hotel.
O obxectivo é que o hóspede aumente o abanico de actividades para realizar, na súa estancia no hotel, aumentando a calidade do servizo nunha zona con enorme potencial turístico. O equipamento que pretenden ofrecer ao cliente serán bicicletas eléctricas, raquetas de neve, un quad, entre outros. Ademais da sinalización das rutas ecoturísticas máis importantes e que identifican esta contorna, a ruta ao cume de Galicia ou a ruta botánica ao “Teixadal de Casaio”.
Outro servizo que se incluíu, debido ao crecente nicho de mercado, pola actual situación sanitaria provocada polo COVID 19, é unha instalación no recinto do hotel dun Parking de Caravanas para dar servizo á demanda deste tipo de turismo.
A finalidade do proxecto é afianzar o hotel Pena Trevinca como referente de hotel de montaña con servizos turísticos de sostenibilidade