Descrición do proxecto:

Este edificio está incluído no catálogo de bens obxecto de protección do plan urbanístico do Concello de Carballeda de Valdeorras.

Trátase dunha recuperación patrimonial de interese histórico, relixioso, cultural e turístico.

Os traballos realizados para a rehabilitación da igrexa comezaron pola recuperación do pavimento existente, mantendo no posible a pedra orixinal que estaba baixo o pavimento existente.

Construción dun pórche na entrada sur seguindo os criterios construtivos típicos nestes edificios, segundo o existente hai anos.

Restauración e conservación dos teitos existentes orixinais.

Revestimento dos paramentos verticais interiores e exteriores.

Son moitos os que desexan visitar o templo por razóns moi diversas. É necesario ordenar esa afluencia de persoas respectando as súas lexítimas motivacións que van desde o estritamente cultural ao estritamente relixioso. A Parroquia establece por iso, un horario de Culto e un horario de Visita Cultural. O horario de Visita Cultural e Turística esta xestionado e ordenado por veciños da parroquia para facilitar a visita ao templo e de particulares. A Parroquia só ten un fin relixioso e social.